پب جی موبائل میں ہیکرز اور دھوکہ دہندگان کی بڑھتی ہوئی تعداد کے مدنظر، ٹینسنٹ نے وقتا فوقتا مزید مضبوط اینٹی چیٹ سسٹم اور گیم میں غلط قسم کے لوگوں کی اطلاع دینے کے آسان طریقے متعارف کرائے ہیں۔ اسی طرح، کمپنی نے اپنی تازہ ترین اینٹی چیٹ رپورٹ کے مطابق، پچھلے چھ دنوں میں 1.2 ملین سے زیادہ ہیکرز پر گیم میں پابندی عائد کردی گئی ہے۔
دھوکہ دہی اور ہیکس استعمال کرنے پر پب جی موبائل کے کل 1،217،342 اکاؤنٹس پر مستقل طور پر پابندی عائد کردی گئی ہے۔ ان میں سے تقریبا 48 فیصد ہیکرز آٹو-نشانہ (auto-aim) ہیکس یا اپنے کرداروں کے ماڈل تبدیل کرنے کے لئے چیٹس (cheats) کا استعمال کر رہے تھے۔ ان میں سے 22 فیصد ایکس رے ویژن ہیکس کا استعمال کررہے تھے، 12 فیصد اسپیڈ ہیکس کا استعمال کرتے ہوئے پائے گئے اور 7 فیصد چیٹس (cheats) کے ذریعہ اپنے نقصان کے آؤٹ پٹ (damage output) میں ترمیم کررہے تھے۔
رپورٹ میں یہ بھی بتایا گیا ہے کہ ہیکرز مختلف صفوں (ranks) میں تھے۔ کل ہیکرز میں سے 38 فیصد برانز، 12 فیصد ڈائمنڈ، 11 فیصد پلاٹینم اور سلور، 10٪ کراؤن، 9 فیصد گولڈ، 6 فیصد ایسس اور صرف 3 فیصد کونکررز تھے۔
ٹینسینٹ نے حال ہی میں پب جی موبائل کے لئے پیچ 1.2 جاری کیا ہے، جو نیا رونک پاور گیم موڈ لاتا ہے۔ چکن ڈنر حاصل کرنے کے لئے کھلاڑی اس گیم موڈ میں مخصوص رونز سے مختلف طاقتیں حاصل کرسکتے ہیں۔ یہاں نئے ہتھیار، توازن کی تبدیلیاں اور جمع کرنے کے لئے بہت سے نئے کاسمیٹکس بھی موجود ہیں۔ پب جی موبائل سیزن 17 کے ساتھ ساتھ ایک نیا رائل پاس بھی شامل ہے جس میں بےشمار کاسمیٹکس، آئٹمز، ایکسسریز اور اسلحے شامل ہیں۔