ای ایم یو آئی 11 ہارمنی یا ہانگ مِنگ او ایس سے پہلے ہواوے کے ای ایم یو آئی کا آخری ورژن ہوسکتا ہے۔

جب سے یہ خبریں منظر عام پر آئی ہیں کہ ہواوے اپنے آپریٹنگ سسٹم پر کام کر رہا ہے جسے ہارمنی او ایس یا ہانگ مِنگ او ایس کہا جاتا ہے، افواہوں نے زور پکڑ لیا ہے کہ کمپنی آخر کار اینڈرائڈ کو اس او ایس سے تبدیل کر دے گی۔ ہواوے نے آخر کار تردید کی کہ یہ آپریٹنگ سسٹم اسمارٹ فونز کے مقصد کے لئے نہیں تھا۔ یقینا، یہ اس سے پہلے تھا جب ٹرمپ انتظامیہ کی جانب سے ہواوے پر پابندی عائد کی گئی تھی۔ ہواوے نے گزشتہ اگست میں باضابطہ طور پر اس آپریٹنگ سسٹم کا اعلان کیا تھا۔

مائی ڈرائورز کی ایک نئی رپورٹ میں ہواوے ​​کنزیومر بزنس گروپ میں سافٹ ویئر ڈویلپمنٹ کے سربراہ وانگ چینگلو کے ساتھ انٹرویو کا حوالہ دیا گیا ہے۔ اس انٹرویو میں، اس سوال پر کہ ای ایم یو آئی 11 اور ہانگ مِنگ او ایس کو کس طرح لایا گیا تھا، ہواوے ایگزیکٹو نے وضاحت کی ہے کہ ای ایم یو آئی 11 سسٹم شیڈیولر “اور دیگر تبدیلیوں” کے ساتھ ساتھ ہانگ مِنگ کی طرح کے ہی فریم ورک کو استعمال کرتی ہے۔

اس کا مطلب یہ ہے کہ اینڈرائیڈ 11 پر مبنی ای ایم یو آئی کا تازہ ترین ورژن پہلے ہی ایک عبوری ریلیز ہے جو ڈیوائسز اور صارفین کو ہانگ مِنگ او ایس کی پہلی عوامی ریلیز اپنانے کے لئے تیار کرتا ہے۔ ہانگ مِنگ او ایس 2.0 بیٹا سب سے پہلے ٹی وی، کاروں اور گھڑیوں میں آئے گا، جبکہ ای ایم یو آئی 11 کے ساتھ لانچ کرنے والے موبائل ڈیوائسز ہانگ مِنگ او ایس 2.0 او ٹی اے وصول کرنے والے پہلے ڈیوائسز ہوں گے۔

رواں ماہ کے اوائل کی ایک ٹائم لائن کی بنیاد پر، ہارمنی یا ہانگ مِنگ او ایس حاصل کرنے والی فون کی پہلی کھیپ وہی ہوں گی جن میں کیرین 9000 چپ سیٹ ہو گا جیسے ہواوے میٹ 40 لائن اپ، پھر کیرن 990 فائیو جی اور آخر میں انٹری لیول کیرن 810 ڈیوائسز ہیں۔

پہلا بیچ	کیرن 9000
دوسرا بیچ	کیرن 990 فائیو جی
تیسرا بیچ	کیرن 990 فور جی (جزوی)، 985، 820 (جزوی)
چوتھا بیچ	کیرن 980، 990 فور جی (جزوی)، 820 (جزوی)
حتمی بیچ	کیرن 810، 710 (جزوی)

ماخذ ویبو، مائی ڈرائیورز کے توسط سے