ڈویلپر البرکہ انٹرنیشنل انویسٹمنٹ نے منگل کو ایک بیان میں کہا کہ ابوظہبی میں آبی ذخائر کی نئی منزل، القنا، امارات کے سب سے بڑے ای اسپورٹس اور ورچوئل رئیلٹی گیمنگ کمپلیکس کی میزبانی کرے گی۔
پکسل کے نام سے گیمنگ کا نیا حب، اگلے سال تک مکمل ہوجائے گا اور وہ فیملیز، گیمرز اور ٹیکنالوجی کے شوقینوں کی انٹرٹینمنٹ کے مقصد کو پورا کرے گا۔
ابوظہبی کی کمپنی البرکہ، لبنان کی کمپنی روبوکوم وی آر کے ساتھ اشتراک کر رہی ہے، جو مرکز کو کانٹینٹ اور ٹیکنالوجی مہیا کرے گی۔
البرکہ کے چیف ایگزیکٹو فواد مشعل نے کہا، “روبوکام وی آر کے ساتھ ہماری شراکت سے پکسل کو متحدہ عرب امارات میں وی آر اور ای کھیلوں کا سب سے مقبول مقام بنائے گا۔
انہوں نے مزید کہا کہ پکسل میں ذمہ داری سے کھیلنے کی اہمیت کو اجاگر کرنے کے مشن کے ساتھ خطے کی پہلی مصدقہ ای سپورٹس اکیڈمی بھی ہوگی۔
گیمنگ انڈسٹری – موبائل گیمز، ای اسپورٹس اسٹریمنگ، کنسول خریداری اور دوسری ٹیکنالوجیز – اس وقت دنیا میں تفریح کی سب سے منافع بخش شکل ہے۔
مارکیٹ ریسرچ فرم نیوزو کی گذشتہ نومبر کی ایک رپورٹ کے مطابق، دنیا بھر میں گیمنگ انڈسٹری کی مالیت 148.8 بلین ڈالرز ہے، جبکہ مشرق وسطی اور افریقہ میں اس کی مارکیٹ ویلیو تقریبا 4.8 بلین ڈالرز ہے جو عالمی ویلیو کا صرف 3 فیصد ہے۔
روبوکوم وی آر کے چیف ایگزیکٹو، کریم ابراہیم نے کہا، “مستقل طور پر نئے اور متنوع مقامی سطح پر تفریحی مراکز کا مطالبہ کیا جارہا ہے جو پورے مشرق وسطی میں عالمی معیار کے مطابق ہوں۔”
مسٹر ابراہیم نے کہا، “پکسل کے ساتھ، گیمرز کو گیمنگ کی نئی جہتوں میں پوری طرح ڈوبنے کا موقع ملے گا… ہم گیمرز کو بین الاقوامی مقابلوں اور ٹورنامنٹ میں حصہ لینے کے لئے اپنی پیشہ ورانہ صلاحیتوں کو بڑھانے اور ترقی دینے کا موقع فراہم کریں گے۔”
اس حب میں ٹورنامنٹس کی میزبانی کے لئے ایونٹس کی جگہ کے ساتھ ساتھ ایک آرکیڈ ایریا بھی ہو گا جو گیمرز کے لئے گیمرز ہی چلائیں گے۔
خور المقتہ آبی شاہراہ پر واقع، القنا اس سال کے آخر تک ابو ظہبی میں کھلنے والی ہے۔ لیز کے قابل علاقے کا 50 فیصد سے زیادہ حصہ تفریحی مقاصد کے لئے تفویض کردیا گیا ہے جو سات اضلاع میں پھیلا ہوا ہے اور اس کا رقبہ 2.4 کلومیٹر سے زیادہ ہے۔