ہواوے کا میٹ ایکس 2 فولڈ ایبل اسمارٹ فون اس طرح کا دکھائی دے سکتا ہے۔ تصوراتی وڈیو

امریکہ اور چین کے مابین تجارتی جنگ نے عالمی سطح پر ایپل اور سام سنگ کی راہ میں رکاوٹ ڈالنے کے ہواوے کے خواب کو چکناچور کردیا ہے، لیکن وہ اپنی کھوئی ہوئی شان کو دوبارہ حاصل کرنے کے لئے ہر ممکن کوشش کررہا ہے۔ کمپنی نے ماضی میں کچھ زبردست اسمارٹ فونز بنائے تھے۔ یہ پچھلے سال اپنا پہلا فولڈایبل اسمارٹ فون بنا کر سام سنگ کے مدمقابل آگیا تھا۔ لیکن یہ سب متعدد وجوہات کی بناء پر بہتر کارکردگی کا مظاہرہ نہیں کرسکا – اول، یقیناً امریکی پابندی اور دوسرا جو زیادہ اہم ہے، یہ حقیقت ہے کہ ممکنہ خریداروں نے کمپنی کے پہلے فولڈ اسمارٹ فون کو اس کی اسکرینز کے باہر کی طرف فولڈ ہونے کی وجہ سے کافی تنقید کا نشانہ بنایا۔

اب ایسا لگتا ہے کہ کمپنی نے اپنی ماضی کی غلطیوں سے سبق سیکھ لیا ہے اور اس کی اصلاح کی طرف کام کر رہی ہے۔ یہ کمپنی فی الحال ہواوے میٹ ایکس 2 نامی ایک فولڈ ایبل اسمارٹ فون پر کام کر رہی ہے، جو بنیادی طور پر پچھلے سال کے میٹ ایکس کا صحیح جانشین ہے۔ حالانکہ ہم میٹ ایکس کے اس جانشین کے بارے میں زیادہ نہیں جانتے، لیکن ایک ہواوے برانڈ والے فولڈ ایبل اسمارٹ فون کا پیٹنٹ ہے جو اندر کی طرف فولڈ ہوتا ہے جیسا کہ گلیکسی زیڈ 2 کو گزشتہ ماہ دیکھا گیا تھا۔ اکثر لوگوں کی میٹ ایکس 2 کے بارے میں یہی رائے تھی جس کے بارے میں ہر کوئی پرجوش ہے۔

پیٹنٹ نے ہمیں اس پر ایک گہری نظر ڈالنے کا موقع دیا کہ میٹ ایکس 2 فولڈ ایبل اسمارٹ فون کس طرح کا دکھائی دیتا ہے۔ اور اب اس پیٹنٹ کی بنیاد پر، تھری ڈی گرافک ڈیزائنر جیرامین اسمت، عرف تصوراتی تخلیق کار نے ایک مختصر ویڈیو بنائی ہے، جس سے ہمیں یہ سمجھنے میں مدد ملتی ہے کہ اسمارٹ فون مزید واضح طور پر کس طرح کا دکھ سکتا ہے (لیٹس گو ڈیجٹل کے ذریعے)۔ آپ نیچے ویڈیو ملاحظہ کر سکتے ہیں۔

جیسا کہ آپ مذکورہ ویڈیو میں دیکھ سکتے ہیں، میٹ ایکس 2 کے ڈسپلے میں ہواوے پی 40 سیریز جیسا ڈوئل سیلفی کیمرا ہے اور ان کیمروں کی رہائش ایک ہول پنچ ڈیزائن میں ہے، جیسا ہم گلیکسی زیڈ فولڈ 2 میں دیکھتے ہیں۔ پیچھے والا کیمرہ سیٹ اپ بھی پی 40 سیریز کی طرح ہے – تمام پچھلے کیمرے مستطیلی کیمرہ ماڈیول میں موجود ہیں۔

پچھلی افواہوں کے مطابق، میٹ ایکس 2 کی اندرونی فولڈنگ اسکرین اپنی آئکونک آؤٹ ڈور فولڈنگ اسکرین کے بجائے سام سنگ گلیکسی فولڈ کی طرح ہوگی۔ ہواوے سام سنگ کا لچکدار پینل استعمال کرے گا، لیکن خصوصی طور پر نہایت پتلی شیشے کی پرت کے بغیر۔ افواہ یہ بھی ہے کہ فولڈ ایبل اسمارٹ فون کے ڈسپلے میں اسکرین ریفریش ریٹ 120 ہرٹج ہوگا، جو فی الحال ایک ٹرینڈ ہے۔

بدقسمتی سے ہم نہیں جانتے کہ میٹ ایکس 2 مارکیٹ میں کب آئے گا، لیکن اگر افواہوں پر یقین کیا جائے تو یہ فولڈ ایبل اسمارٹ فون 2021 کے اوائل میں ریلیز کیا جاسکتا ہے۔

تبصرہ کریں