ایپل نے 13 اکتوبر کو آئی فون 12 کے لانچ ایونٹ کا اعلان کردیا۔

  • ایپل نے 13 اکتوبر کو 1PM ایسٹرن ٹائم کے مطابق "ہائے، اسپیڈ” ایونٹ کا اعلان کیا ہے۔
  • توقع کی جا رہی ہے کہ وہ آئی فون 12 کو متعارف کرائے گا۔
  • ایک اے آر ایم پر مبنی میک ڈیوائس، نئے آڈیو ڈیوائسز اور دیگر پراڈکٹس کا اعلان بھی ہوسکتا ہے۔

آپ کو آئی فون 12 کے بارے میں سننے کے لئے زیادہ انتظار نہیں کرنا پڑے گا۔ ایپل نے 13 اکتوبر کو (جان پیکزکوسکی کے توسط سے) ایک ایونٹ کا اعلان کیا ہے جس میں ممکنہ طور پر آئی فون 12، ایک اے آر ایم پر مبنی میک ڈیوائس اور بہت کچھ منظر عام پر آنے کی توقع کی ہے۔ توقع ہے کہ یہ ایک ورچوئل، پہلے سے ریکارڈ شدہ پروگرام ہوگا اور 1PM ایسٹرن ٹائم پہ شروع ہوگا۔

"ہائے، اسپیڈ” ایونٹ کے لئے دعوت نامہ بذات خود زیادہ کچھ انکشاف نہیں کرتا، لیکن یہ واضح ہے کہ کارکردگی ایک کلیدی کردار ادا کرے گی۔ اگر فون میں 5G سپورٹ اور تیز A14 بایونک چپ کی افواہیں درست ہوں تو آئی فون 12 کو اس بیانئے پر پورا اترنا چاہئے، لیکن ساتھ ہی یہ ایپل کی ان توقعات کا حوالہ بھی ہوسکتا ہے کہ اے آر ایم پر مبنی میک ڈیوائسز اپنے ونڈوز ہم منصبوں کو پیچھے چھوڑ دیں گے۔

Advertisements

ایپل کے ایونٹ میں آئی فون 12 کے بارے میں یہ بھی افواہ ہے کہ آئی فون ایکس کے بعد اس میں پہلی نمایاں ڈیزائن کی تبدیلی کی جا رہی ہے، جس میں مزید فلیٹ ڈیزائن (آئی فون 4 اور آئی پیڈ ایئر کی طرح کا) اور ممکنہ طور پر سامنے کے سینسرز کے لئے ایک چھوٹا ناچ ہے۔ آپ کو 5.4 انچ کے آئی فون 12 ‘منی’، دو 6.1 انچ ماڈل (اسٹینڈرڈ آئی فون 12 اور آئی فون 12 پرو) اور 6.7 انچ کے بڑے آئی فون 12 پرو میکس کے ساتھ سائز میں بھی نمایاں تبدیلیاں نظر آئیں گی۔ ہوسکتا ہے کہ OLED اسکرینیں ان تمام ماڈلز میں ہوں، اور آپ جدید ترین کیمرے اور اسٹوریج کی صلاحیتوں کو بھی دیکھ سکتے ہیں۔

میک کے کسی بھی ریفریش میں جو کچھ شامل ہوگا وہ فی الحال اتنا واضح نہیں ہے۔ اگرچہ یہ امید کی جاتی ہے کہ یہ A14 کی مختلف اقسام (ممکنہ طور پر A14X) استعمال کرے گا، اور افواہوں کے مطابق پہلا اے آر ایم پر مبنی میک لیپ ٹاپ 13 انچ کا میک بوک پرو ہے یا پھر 12 انچ کا پرانا میک بک ہے۔ ایک نئے ڈیزائن کردہ انٹری لیول آئی میک کے بارے میں بھی بات کی جا رہی ہے جو نئے آئی پیڈ یا پرو ڈسپلے ایکس ڈی آر کے ساتھ ڈیزائن عناصر کا اشتراک کرسکتا ہے۔

Advertisements

ایپل کے 13 اکتوبر کو ہونے والے پروگرام میں صرف یہی مصنوعات نہیں ہوسکتی ہیں۔ یہ دعوی بھی کیا جا رہا ہے کہ وہ اپنے پہلے ایپل برانڈ کے اوور-ایئر ہیڈ فون کو تیار کر رہا ہے، جسے ممکنہ طور پر ایر پوڈ اسٹوڈیو کہا جاسکتا ہے اور اس سے زیادہ چھوٹا، زیادہ سستا ہوم پوڈ اسپیکر بھی متعارف کرایا جاسکتا ہے۔ یہ دیکھتے ہوئے کہ ایپل اپنے اسٹورز سے تھرڈ پارٹی آڈیو پروڈکٹ ہٹا رہا ہے، ممکن ہے کہ یہ حقیقی امکانات ہوں۔ ایک ٹائل نما آئٹم ٹریکر بھی ریلیز کیا جا سکتا ہے اور آپ کو میک او ایس بگ سر کے لئے ریلیز کی تاریخ بھی مل سکتی ہے۔

یہ ایونٹ ایپل کے لئے ایک بہت اہم ایونٹ نظر آرہا ہے۔ آئی فون 12 لائن ایپل کو تیزی کے ساتھ بدلتی ہوئی اسمارٹ فون مارکیٹ میں منافع بخش رکھنے کے لئے کلیدی ثابت ہوسکتی ہے، اس میں سام سنگ، گوگل اور دوسروں سے مقابلہ بھی شامل ہے۔ اور اگر اے آر ایم پر مبنی میک لیپ ٹاپ یا ڈیسک ٹاپ کی بات آتی ہے تو ایپل کو پہلے کمپیوٹر کے خریداروں کو راضی کرنے کے لئےاچھا تاثر دینا پڑے گا تاکہ وہ x86 کو پیچھے چھوڑ دیں۔

تبصرہ کریں

%d bloggers like this: