فوسیل آج اپنی جین 5 ای اسمارٹ واچ کو متعارف کروا رہا ہے اور جیسا کہ نام سے ظاہر ہوتا ہے، یہ جین 5 اسمارٹ واچ کا اپ ڈیٹ نہیں ہے۔ بلکہ یہ ایک ٹرم ڈاؤن ورژن ہے جس کی قیمت کم ہے۔ بظاہر یہ اب بھی پریمیم ہے کیونکہ اس کی قیمت کچھ زیادہ کم نہیں ہوئی ہے اس لئے کہ یہ 249 ڈالرز کا ہے جبکہ جین 5 اسمارٹ واچ 295 ڈالرز ہے۔
شاید سب سے بڑا فرق یہ ہے کہ اس میں 8 جی بی کی بجائے 4 جی بی کی اسٹوریج ہے۔ 1.19 انچ کا ڈسپلے تھوڑا سا چھوٹا ہے، لیکن اس میں 328 پی پتی آئی پکسل کی کثافت برقرار ہے جو ہم نے مختلف جین 5 اسمارٹ واچز پر دیکھی ہے۔ اس میں ایک سٹینلیس سٹیل کا چیسس بھی ہے اور دلچسپ بات یہ ہے کہ اس کی ایک طرف صرف ایک بٹن ہے۔
یہ ایک کوالکوم اسنیپ ڈریگن ویئر 3100 چپ سیٹ کے ساتھ آئی ہے جسے 2018 میں متعارف کرایا گیا تھا اور اس نے سب سے پہلے فوسیل اسپورٹ کے ساتھ 2019 کے اوائل میں ڈیوائسز میں آنا شروع کیا تھا۔ جین 5 اسمارٹ واچ اسی سال کے موسم گرما میں آئی تھی، لیکن اب کوالکوم اسنیپ ڈریگن ویئر 4100 لا رہا ہے لہذا ایک جین 6 اسمارٹ واچ آنی چاہئے۔
اگر آپ جین 5 ای کی مزید تفصیلات دیکھنا چاہتے ہیں تو آپ فوسیل کی ویب سائٹ پر یہاں دیکھ سکتے ہیں۔ ویب سائٹ کے مطابق یہ 3 نومبر کو مارکیٹ میں دستیاب ہو گی۔