وزیر اعظم آفس (پی ایم او) نے وزیر اعظم کے اہم پیغامات کو وسیع پیمانے پر سامعین تک پہنچانے کی کوشش میں عربی اور ترکی زبانوں میں وزیر اعظم عمران خان کے دو نئے ٹویٹر اکاؤنٹس شروع کیے ہیں۔
تفصیلات کے مطابق عربی اکاؤنٹ مئی 2020 میں بنایا گیا تھا جبکہ ترکی کا اکاؤنٹ نومبر 2018 میں بنایا گیا تھا۔
ان دونوں اکاؤنٹس میں عربی اور ترکی کے سب ٹائٹلز کے ساتھ وزیر اعظم عمران کی اہم تقاریر اور انٹرویو ہیں۔
پی ایم او نے اقوام متحدہ کی جنرل اسمبلی (یو این جی اے) کے 75 ویں ورچوئل اجلاس میں کل ہونے والی وزیر اعظم عمران خان کی تقریر سے قبل یہ نئے اکاؤنٹس بنانے کا اعلان کیا ہے۔
توقع کے مطابق وزیر اعظم عمران خان نے ہندوستانی حکومت کے ظالمانہ ہتھکنڈوں سے مظلوم کشمیریوں کی حالت زار کے ساتھ دنیا کو آگاہ کیا اور دائیں بازو کے سیاستدانوں کی سرپرستی میں مغربی دنیا میں اٹھنے والے اسلامو فوبیا کے معاملے کو اجاگر کیا۔
اس تقریر کو وزیر اعظم کے عربی اور ترکی دونوں ٹویٹر اکاؤنٹس پر اپ لوڈ کیا جائے گا۔
عمران خان کے ابتدائی ٹویٹر اکاؤنٹ میں 12.5 ملین فالوورز ہیں اور ان میں سب سے زیادہ پاکستانی ہی ہیں۔ عمران خان کے نئے ٹویٹر اکاؤنٹس @ArabicIk اور @IKturkish کو یہاں فالو کریں۔