سام سنگ نے اپنے گلیکسی ایس20 ایف ای (فین ایڈیشن) 4 جی اور 5 جی ورژن کا، 6.5 انچ 120 ہرٹز اولیڈ ڈسپلے کے ساتھ اعلان کر دیا۔

جیسا کہ اس کے نام ایف ای (FE) یعنی فین ایڈیشن سے واضح ہوتا ہے کہ یہ فون مداحوں کے لئے ہے۔ سام سنگ گلیکسی S20 ایف S20 اسپیشل خصوصیات کا ایک ملاپ ہے جسے زیادہ سستی قیمت کے لئے دوبارہ ترتیب دیا گیا ہے۔ اس فون کو آپ آج ہی سے Samsung.com پر پری آرڈر کرسکیں گے۔ فروخت 2 اکتوبر سے شروع ہوگی، پھر یہ فون کیریئرز اور ریٹیلرز کے ذریعہ بھی دستیاب ہوگا۔

امریکہ میں اس کی قیمت 700 ڈالرز رکھی گئی ہے – جو گلیکسی S20 کے 5 جی ورژن سے 300 ڈالرز کم ہے۔ 5 جی کی بات کریں تو، یہ فون ایل ٹی ای اور 5 جی دونوں اقسام میں آتا ہے۔ آپ اس فون کی خریدیری پر ٹریڈ ان آپشن کے ذریعے 450 ڈالرز تک کا کریڈٹ بھی حاصل کرسکتے ہیں۔

قیمتوں کی تفصیلات یہ ہیں:

موبائل ایڈیشنجرمنی (یوروز)برطانیہ (پونڈز)امریکہ (ڈالرز)
گلیکسی ایس20 ایف ای (128 جی بی)633600 
گلیکسی ایس20 ایف ای (256 جی بی)719  
گلیکسی ایس20 ایف ای 5 جی (128 جی بی)730700700
گلیکسی ایس20 ایف 5 جی UW  750  

جب سے ہم نے پہلے ہی ایف ای کے بارے میں سنا تب سے چپ سیٹ سب سے بڑا سوالیہ نشان رہا ہے۔ سام سنگ (ہمیشہ کی طرح) چپ سیٹ کا نام لینے سے گریزاں ہے، لیکن سی پی یو کلاک کی رفتار کو دیکھ کر ہم ایک بہتر اندازہ لگا سکتے ہیں۔ سام سنگ گلیکسی ایس20 ایف ای 5 جی بالکل ایس 20 کے ورژنز کی طرح اسنیپ ڈریگن 865 (نان پلس) چپ سیٹ کے ذریعہ تقویت یافتہ ہے۔ افسوس کے ساتھ سام سنگ گلیکسی ایس20 ایف ای 4 جی کے حصے میں ایکسائینوس 990 آیا سوائے اس کے کہ اس میں صرف ایل ٹی ای موڈیم کا فرق ہے لہذا اس میں کوئی 5 جی کنیکٹیویٹی نہیں ہے۔

اس فون میں اصل S20 ماڈل کے مقابلے میں تین چیزیں تبدیل ہوئی ہیں: اسکرین، کیمرا اور بیٹری۔ آئیے پہلے اسکرین کو دیکھتے ہیں۔

6.5 انچ کا یہ یہ سپر ایمولیڈ ڈسپلے بالکل S20 (6.2 انچ) اور S20 پلس (6.7 انچ) کے درمیان بیٹھتا ہے۔ تاہم، ریزولوشن 1080p پلس ہے، جبکہ دوسرے دو ماڈل 1440p پلس پینلز کے ہیں۔ پھر بھی اسکرین ایچ ڈی آر 10 پلس سرٹیفائیڈ ہے اور S20 اور S20 پلس کی طرح 120 ہرٹز پر چلتی ہے، لیکن صرف اس صورت میں جب آپ 1080p رینڈرنگ پر رکھتے ہیں۔

Advertisements

نوٹ کریں کہ سائز میں 0.2 انچ چھوٹا ہونے کے باوجود یہ ڈسپلے فلیٹ ہے لہذا گلیکسی ایس 20 ایف ای تقریبا S20 پلس کے برابر کے سائز کا ہے – صرف دو ملی میٹر چھوٹا اور ایک ملی میٹر چوڑا اور بہت معمولی سا موٹا ہے۔ فون کی باڈی دھول اور پانی کے خلاف مزاحمت کے لئے IP68 ریٹیڈ ہے۔

پچھلے حصے میں ٹرپل کیمرا S20 سے بہتر مرکزی کیم 12 ایم پی کا ہے جو 1/1.76 انچ کا بڑے سینسر اور 1.8 µm پکسلز ڈوئل پکسل AF کے ساتھ ہے۔ اس ماڈیول میں آپٹیکل امیج اسٹیبلائزیشن (OIS) کی بھی خصوصیت ہے۔

ٹیلی فوٹو کیم نیا ہے – اس میں 8 ایم پی سینسر (1.0 µm پکسلز) اور OIS ہے جو F / 2.4 لینس 3x آپٹیکل زوم اور 30x اسپیس زوم دیتا ہے۔ S20/S20 پلس کا 64 ایم پی سینسر ختم کر دیا گیا ہے، جس کا مطلب ہے کہ فین ایڈیشن 8K ویڈیو ریکارڈ نہیں کرسکتا۔ تیسرا سینسر 12 ایم پی کا الٹرا وائیڈ کیم ہے جو 123° فیلڈ ویو کا احاطہ کرتا ہے۔

Advertisements

سیلفی کیمرا بھی مختلف ہے جس میں 32 ایم پی سینسر (0.8 µm پکسلز) کی خصوصیت ہے جس میں 4-ان-1 پکسل کنٹینر ہے۔ یہ ویسا ہی کیمرا لگتا ہے جس کو ہم نے A سیریز کے کچھ ماڈلز میں دیکھا ہے۔

گلیکسی ایس20 ایف ای 4،500 ایم اے ایچ بیٹری کی طاقت سے چلتا ہے جو S20 پلس جتنی ہی صلاحیت ہے۔ یہ 25 واٹ فاسٹ چارجنگ (پی پی ایس کے ساتھ USB پاور ڈلیوری 3.0) کی بھی سپورٹ کرتا ہے، تاہم اگر آپ اس سے فائدہ اٹھانا چاہتے ہیں تو آپ کو دوسرا چارجر لینا ہوگا کیونکہ ریٹیل پیکیج میں صرف 15 واٹ پاور چارجر شامل ہے۔ تیز اور ریورس وائرلیس چارجنگ بھی موجود ہے۔

اس ماڈل میں ایک ان ڈسپلے فنگر پرنٹ ریڈر کی خصوصیت ہے جو سام سنگ پے (Samsung Pay) کو بھی محفوظ بنانے کے لئے استعمال کیا جاسکتا ہے۔ سام سنگ کی خصوصی ایم ایس ٹی کی خصوصیت (جو ٹرمینلز کے ساتھ کام کرتی ہے اور جو این ایف سی کی سپورٹ نہیں کرتی ہے) دستیاب ہے۔

Advertisements

ایس سیریز ایک اور خاص بات کہ اس میں ڈولبی آڈیو ٹیکنالوجی کے ساتھ اے کے جی کے ٹیونڈ اسٹیریو اسپیکرز بھی ہیں۔

یہ فون سنگل سم اور ڈوئل سم ورژن میں دستیاب ہوگا۔ ایک مائکرو ایس ڈی کارڈ سلاٹ ہے، لیکن یہ سم 2 کی جگہ لے لے گا – کچھ مارکیٹوں میں ای سم فعال کی جاسکتی ہے جو اس مسئلے کو حل کردے گی۔

گلیکسی ایس 20 ایف ای میں 6 جی بی ریم اور 128 جی بی اسٹوریج ہے (لیکن 256 جی بی کا آپشن بھی موجود ہے)۔ 5 جی ورژن سب-6 نیٹ ورکس (دونوں ایس اے اور این ایس اے) کی سپورٹ کرتا ہے، امریکہ میں ایم ایم ویو کے ساتھ ایک گلیکسی ایس 20 ایف ای 5 جی یو ڈبلیو ایڈیشن بھی آ رہا ہے – یہ 2 اکتوبر کو ویرائیزن پر فروخت ہو گا۔

S20 ایف ای کی نیٹورک اسپیڈ کافی تیز ہے کیونکہ اس کا ایل ٹی ای کاٹ 20 موڈیم ڈاؤن لوڈ کی رفتار 2.0 جی بی پی ایس تک پہنچا سکتا ہے۔ نیز، دونوں ہی ورژن وائی فائی 6، وائرلیس اسکرین مررنگ (1080p @30 ایف پی ایس) اور ڈسپلے پورٹ (4K پر 60 ایف پی ایس) کی سپورٹ کرتے ہیں۔

لانچ کے وقت درج ذیل رنگ دستیاب ہوں گے: کلاؤڈ ریڈ، کلاؤڈ اورنج، کلاؤڈ لیوینڈر، کلاؤڈ منٹ، کلاؤڈ نیوی اور کلاؤڈ وائٹ۔ لیکن کچھ رنگ تمام ممالک اور S20 ایف ای ایف کی تمام تشکیلات کے لئے دستیاب نہیں ہوسکتے ہیں۔

پری آرڈر پر کچھ ایکسٹرا چیزیں بھی ملیں گی۔ امریکہ میں آپ سام سنگ ڈاٹ کام اور شاپ سام سنگ ایپ سے کسی کیسنگ یا ویئرایبل پر خرچ کرنے کے لئے 70 ڈالرز کریڈٹ حاصل کرسکتے ہیں۔ یوکے میں ، آپ موگا ایکس پی 5-ایکس پلس گیم کنٹرولر یا گلیکسی فٹ 2 فٹنس ٹریکر کے درمیان انتخاب کرسکتے ہیں۔ یاد دہانی کے طور پر، 5 جی والے گلیکسی فلیگ شپ کے ساتھ  3 ماہ کا ایکس باکس گیم پاس الٹیمیٹ مفت میں ملتا ہے۔

تبصرہ کریں