پچھلے سال، مائیکروسافٹ نے اعلان کیا تھا کہ اس نے پیپل (People) کی ایپ پر مزید کرنا بند کردیا ہے اور بعد میں وہ ونڈوز 10 سے ایپ کو ہٹا دے گا۔ اپنے الفاظ پر پورا اترتے ہوئے آخر کار مائیکروسافٹ نے ونڈوز 10 کے انسائیڈر پریویو بلڈ 20215 کے صارفین کے لئے اسٹارٹ مینو میں موجود ایپ پر رائٹ کلک کر کے مکمل طور پر ان انسٹال کرنا ممکن بنا دیا ہے۔ مزید یہ کہ آپ سسٹم ٹرے میں اس ایپ کو نہیں دیکھ سکیں گے۔ اگرچہ آپ کیلنڈر ایپ سے اس ایپ کو کھول سکتے ہیں۔
تاہم، اس کا مطلب یہ نہیں ہے کہ مائیکروسافٹ ایپ کو ختم کر رہا ہے۔ اگر آپ مائیکروسافٹ پیپل (People) کی ایپ کو اپنے ونڈوز 10 پی سی پر واپس لانا چاہتے ہیں تو آپ مائیکروسافٹ اسٹور سے ایک بار پھر انسٹال کرسکیں گے۔ اس کا مطلب یہ ہے کہ چونکہ مائیکروسافٹ نے ایپ پر کام کرنا بند کردیا ہے لہذا پیپل (People) ایپ کو اب کوئی نئی خصوصیات حاصل نہیں ہوں گی۔
جو لوگ باقاعدگی سے ونڈوز 10 اپ ڈیٹ انسٹال کر رہے ہیں وہ پیپل (People) ایپ کو ان انسٹال بھی کرسکتے ہیں لیکن یہ عمل قدرے تکلیف دہ ہے کیونکہ اس سے آپ کو ونڈوز 10 پاور شیل کے بارے میں کچھ معلومات حاصل کرنے کی ضرورت ہوتی ہے۔ آپ پاور شیل میں “Get-AppxPackage * People * | Remove-AppxPackage” کمانڈ چلا کر ونڈوز 10 کے کسی بھی ورژن سے مائیکرو سافٹ پیپل (People) کی ایپ کو ان انسٹال کرسکتے ہیں۔ اس عمل کو پورا کرنے کے لئے آپ کو اپنے کمپیوٹر کو ری اسٹارٹ کرنے کی ضرورت ہوگی۔
