ایپل نے اپنی واچ سیریز 6 کا بلڈ آکسیجن سینسر، نئے رنگوں اور دوسری بہت سی خصوصیات کے ساتھ اعلان کیا۔

آج ایپل نے ایک ورچوئل ایونٹ میں اپنی اگلی نسل کی ایپل واچ سیریز 6 کا اعلان کردیا۔ ایپل نے اس واچ کے مختلف نئے رنگوں کے علاوہ اس میں کچھ نئی خصوصیات بھی شامل کی ہیں۔

نئے رنگوں سے شروع کرتے ہوئے ہم بتاتے ہیں کہ ایپل واچ سیریز 6 کے رنگوں میں نیلے رنگ کے ایلومینیم کی ایک مختلف قسم ہے اور اس کے علاوہ اسپیس گرے، سلور، گولڈ اور روز گولڈ کے رنگ بھی شامل ہیں۔ اگرچہ نیلے رنگ کا واحد نیا ایلومینیم رنگ نہیں ہے، کیونکہ آپ اسے پروڈکٹ (سرخ) میں بھی حاصل کرسکتے ہیں۔ اگر آپ اسٹینلیس سٹیل کے زیادہ متاثر ہیں تو گولڈ کا رنگ تھوڑا اور تازہ ہو گیا ہے اور ایک گرے بلیک رنگ کا بھی نیا اضافہ ہے۔

جہاں تک نئی خصوصیات کا تعلق ہے اس میں سب سے بڑی خصوصیت خون میں آکسیجن (SpO2) سے باخبر رہنا ہے۔ اس سے ایپل کی صحت سے باخبر رہنے کی کوششوں میں اضافہ ہوا ہے اور جس کے بارے میں ٹم کوک نے ایسے صارفین کی کہانیاں سناتے ہوئے بتایا جن کو ایپل واچ کے ذریعہ بچایا گیا جس نے شاید صارف کے دل کی دھڑکن کے بارے میں پہلے ہی انتباہ کر دیا تھا، جس کی وجہ سے انھوں نے صحیح وقت پر ڈاکٹر سے معائینہ کروایا۔

معمول کے مطابق نئے واچ فیسز کا بھی ایک گروپ متعارف ہے۔ ان میں جی ایم ٹی فیس ہے جو آپ کو مختلف ٹائم زون دکھاتا ہے، کاؤنٹ ڈاؤن فیس، کرونگراف پرو، ٹائپوگراف اور دوسرے فیسز شامل ہیں۔ یہاں ایک نئی فیملی سیٹ اپ کی خصوصیت بھی ہے جس کی مدد سے آپ اپنے بچوں کو آئی فون کی ضرورت کے بغیر ایپل واچ دے سکیں گے۔

اندرونی تفصیلات کی بات کی جائے تو اس اسمارٹ واچ میں ایک نیا S6 پراسیسر ہے جو ڈبل کور ہے اور A13 بایونک پر مبنی ہے۔ ایپل نے بتایا کہ یہ پراسیسر بیس فیصد زیادہ تیز کارکردگی کا حامل ہے۔

ایپل واچ سیریز 6 اسی ایپل واچ کی قیمت پر فروخت ہوتی رہے گی جو 399 ڈالرز سے شروع ہو رہی ہے۔ تاہم اس بار یہ پاور اڈاپٹر کے ساتھ نہیں آئے گی کیونکہ ایپل کا یہ دعوی ہے کہ ان کا یہ قدم ماحول کے لئے کم آلودگی کا سبب بنے گا۔ آپ آج ہی پیشگی آرڈر کرسکتے ہیں اور یہ واچ جمعہ کے دن سے دستیاب ہو گی ۔

ماخذ: ایپل

One thought on “ایپل نے اپنی واچ سیریز 6 کا بلڈ آکسیجن سینسر، نئے رنگوں اور دوسری بہت سی خصوصیات کے ساتھ اعلان کیا۔

تبصرہ کریں