ستمبر میں اگلی نسل کے کنسول سے متعلق اعلانات کا آغاز ہو گیا ہے، مائیکروسافٹ کے دھماکہ خیز لیک اور آفیشل اعلان کے فورا بعد سونی اب اپنے اگلے ایونٹ کی میزبانی کرنے کی تیاری کر رہا ہے۔ کمپنی نے اعلان کیا ہے کہ اگلا پلے اسٹیشن 5 شوکیس ایونٹ 16 ستمبر کو شام 1 بجے پی ڈی ٹی / 9 بجے بی ایس ٹی / 10 بجے سی ای ایس ٹی / رات 12 بجے متحدہ عرب امارات / رات 1 بجے پاکستان کے مطابق ٹوئچ اور یوٹیوب پر آن لائن نشر ہوگا۔
چالیس منٹ کا شوکیس پلے اسٹیشن اسٹوڈیوز کے نئے گیمز کے ساتھ ساتھ شراکت داروں پر بھی توجہ مرکوز کرے گا، جیسا کہ سونی کہتا ہے کہ “پلے اسٹیشن 5 آنے والی چھٹیوں میں لانچ کرنے سے پہلے، ہم آپ کو لانچ کے موقع پر پی ایس 5 پر آنے والے کچھ زبردست گیمز پر ایک اور نظر ڈالنے کا موقع دینا چاہتے تھے۔ (اور اس کے بعد بھی!)۔ “
ممکن ہے کہ سونی ‘اسپائڈر مین: مائلز مورالز’ گیم کی مزید فوٹیج دکھائے گا، رچٹ اینڈ کلینک: رفٹ اپارٹ، اور شاید نئے خصوصی گیمز جو یہ تھرڈ پارٹی کے ڈویلپرز اور پبلشروں سے حاصل کرنے میں کامیاب رہی ہے۔ کچھ دن پہلے کینا: برج آف اسپرٹس، پلے اسٹیشن 5 کنسول کے ایک خصوصی گیم، کو 2021 کی پہلی سہ ماہی تک ملتوی کر دیا تھا، لہذا سونی کو ان تمام لانچ ٹائٹلز کی ضرورت ہے جو بھی اسے مل سکیں۔
اگرچہ یہ واضح طور پر نہیں کہا گیا ہے کہ یہ وہ ایونٹ ہوسکتا ہے جہاں کمپنی آخرکار قیمتوں کا تعین، پیشگی آرڈر کی تفصیلات، اور معیاری پلے اسٹیشن 5 کی ریلیز کی تاریخ اور ڈسک ڈرائیو کے بغیر پلے اسٹیشن 5 ڈیجیٹل ایڈیشن کی نقاب کشائی کرتی ہے۔ مائیکروسافٹ ایکس بکس سیریز ایکس 499 ڈالرز اور سیریز ایس 299 ڈالرز میں پیش کر رہا ہے۔ یہ دیکھنا دلچسپ ہوگا کہ سونی اپنے حریف کے خلاف جانے کے لئے اپنی اگلی نسل کے کنسولز کی قیمت کیسے طے کرتا ہے۔