دراز ڈاٹ پی کے (Daraz.pk) اپنے پلیٹ فارم پر گلیکسی M سیریز لانچ کرنے جا رہا ہے۔

کوویڈ 19 کی وبہ کے دوران لگنے والے لاک ڈاؤن کی وجہ سے ای کامرس کا کاروبار پوری دنیا میں فروغ پزیر ہے۔ مختلف پلیٹ فارمز کے مابین ایک مقابلہ چل رہا ہے۔ اس کے نتیجے میں ، ہر پلیٹ فارم ڈیوائسز اور ڈسکاؤنٹ کی ایک نئی رینج پیش کر رہا ہے۔ اس بات کو مدنظر رکھتے ہوئے دراز ڈاٹ پی کے (Daraz.pk) آن لائن شاپنگ پلیٹ فارم نے خصوصی طور پر اپنے پلیٹ فارم کے ذریعہ سام سنگ گلیکسی کی ‏ انتہائی متوقع ’ایم‘ سیریز شروع کرنے کا اعلان کیا ہے۔ ابھی حال ہی میں دراز ڈاٹ پی کے نے سام سنگ الیکٹرانکس پاکستان کے ساتھ یہ معاہدہ کیا ہے۔

سام سنگ گلیکسی M31 میں بڑی 6.4 انچ کی سپر AMOLED کیپاسیٹیو ٹچ اسکرین ہے۔ یہ اسمارٹ فون 6،000 ایم اے ایچ کی بیٹری سے لیس ہے۔ فون میں نصب چپ سیٹ ایکسینوس 9611 ہے۔ اس کے علاوہ فون میں ٹرپل ریئر کیمرا سیٹ اپ بھی ہوگا۔ میموری کی جگہ کے لحاظ سے، یہ 3 مختلف حالتوں میں آتا ہے جو 64 جی بی 6 جی بی ریم ، 128 جی بی 6 جی بی ریم ، اور 128 جی بی 8 جی بی ریم ہیں۔ گلیکسی ایم 31 کو خصوصی طور پر دراز پر لانچ اور فروخت کیا جائے گا۔

دوسرا اسمارٹ فون جو دراز پر لانچ ہونے والا ہے وہ سام سنگ گلیکسی ایم 11 ہے۔ اسمارٹ فون میں 6.4 انچ ڈسپلے اور 5000 ایم اے ایچ کی بڑی بیٹری ہے۔ فون میں نصب چپ سیٹ کوالکوم SDM450 اسنیپ ڈریگن 450 ہے۔ اس کے ساتھ ہی اسمارٹ فون میں ٹرپل ریئر کیمرا سیٹ اپ بھی ہے۔

اس پیش رفت بارے میں بات کرتے ہوئے دراز پاکستان کے ڈائریکٹر کمرشل فیصل ملک نے کہا:

دراز پاکستان میں برانڈ شراکت داری اور بڑھتے ہوئے کسٹمر بیس کے لئے وقف ہے۔ ہم کوشش کرتے ہیں کہ اپنے صارفین کو معروف برانڈز کی حقیقی مصنوعات تک رسائی فراہم کریں اور ہمیں یقین ہے کہ سام سنگ کے ساتھ یہ نیا تعاون انقلابی ثابت ہوگا۔

تبصرہ کریں