ایپل کی انتہائی افواہوں پر مبنی آئی فون 12 سیریز اپنی ریلیز کو لے کر آئے دن خبروں میں رہی ہے۔ تاہم اگر ان افواہوں کی تعداد پر غور کیا جائے گا تو یہ بات ابھی تک ایک معمہ بنی ہوئی ہے کہ یہ نئے آئی فونز کب ریلیز کیے جائیں گے۔
اکتوبر کے مہینے میں ایپل سے توقع کی جا رہی ہے کہ وہ دو ہائی اینڈ آئی فونز (آئی فون پرو میکس اور 6.1 انچ آئی فون پرو) اور کم قیمت والے دو ماڈل (5.4 انچ آئی فون 12 اور 6.1 انچ آئی فون 12 میکس) کا اعلان کرے گی۔ جہاں تک 5 جی آئی فون کا تعلق ہے، ملی میٹر ویوز (millimetre-wave) کی وجہ سے 5 جی کو ایک بڑا اینٹینا اور زیادہ پاور کی ضرورت ہوتی ہے اس لئے یہ صرف 6.7 انچ کے بڑے ڈیوائس کے ساتھ دستیاب ہوگا۔
آئندہ آئی فون 12 سیریز میں بہت ساری اصلاحات آئیں گی۔ ایک حالیہ لیک سے انکشاف ہوا ہے کہ فیس آئی ڈی ایک وسیع پیمانے کے زاویوں پر کام کرے گا اور ڈیوائس صارف کا چہرہ پہچاننے کے قابل ہو گا حتی کہ اگر ڈیوائس ایک ڈیسک پر عمودی حالت میں بھی رکھا ہوا ہو۔ اس کے علاوہ آئی فون 12 پرو میکس آٹو فوکس کے لئے بالکل سام سنگ گیلیکسی نوٹ 10 الٹرا کی طرح کے LIDAR سینسر پر بھی مشتمل ہو گا اور 240fps تک کے 4 کے ویڈیو کیپچر کرنے کے علاوہ ایک بہتر نائٹ موڈ بھی پیش کرے گا۔