ڈوگی (Doogee) کا BL12000 آپ کو ایک اسمارٹ فون پر آنے والی اب تک کی سب سے بڑی بیٹری فراہم کرے گا

جدید اسمارٹ فونز بہت سے نمایاں خصوصیات کے ساتھ آتے ہیں۔ جب ہمیں ایک نیا ہینڈسیٹ خریدنا ہوتا ہے تو اس کے لئے ہم سب کی اپنی اپنی ترجیحات ہوتی ہیں کہ ایک اسمارٹ فون میں ہمارے لئے سب سے زیادہ اہم چیزیں کونسی ہیں، لیکن طویل بیٹری لائف واحد ایک ایسی خصوصیت ہے جس کو ہر صارف سراحتا ہے۔

اگر آپ حقیقی معنوں میں ایک بڑی بیٹری سے لیس ہینڈسیٹ کی تلاش کر رہے ہیں تو بلاشبہ چینی مینوفیکچرر ڈوگی (Doogee) کا آنے والا BL12000 ماڈل آپ کو مایوس نہیں کرے گا۔ جیسا کہ اس کے ماڈل نمبر سے پتہ چلتا ہے کہ BL12000 میں ایک وسیع پیمانے کی 12،000 میگاواٹ پاور کی بیٹری شامل ہے جو ہم نے ابھی تک کسی دوسرے اسمارٹ فون میں نہیں دیکھی ہے۔ یہ بہت زیادہ پاور ہے جو یقینا اس فون کی چارجنگ کے درمیان کے عرصے کو طویل کرے گی۔ ڈوگی نے بیٹری چارجنگ کی انتہائی تیز رفتاری کا وعدہ بھی کیا ہے – ان کا کہنا ہے کہ یہ بیٹری چار گھنٹے میں مکمل چارج کی جا سکتی ہے، جو اس کے سائز کے لحاظ سے بہت متاثر کن ہے۔

بلاشبہ اس جہازی سائز کی بیٹری کی شمولیت نے اس فون کے وزن اور سائز میں بھی اضافہ کر دیا ہے جو اس کی خامیوں میں بھی شمار ہو سکتا ہے۔ کچھ صارفین کے لئے اس ہینڈسیٹ کو نہ خریدنے کی یہ ایک بڑی وجہ ہو سکتی ہے لیکن آخر میں یہی کہا جا سکتا ہے کہ اس وقت اتنی وسیع بیٹری لائف کی صلاحیت رکھنے والے ہینڈسیٹ شاذ و نادر ہی دستیاب ہیں۔

ڈوگی BL12000 کی دیگر قابل ذکر خصوصیات ذیل میں اور چند تصاویر آخر میں ملاحظہ کریں:

ڈوگی BL12000 کی فروخت 8 جنوری سے شروع ہو گی۔ ڈوگی نے اس ڈیوائس کے لئے 179.99 ڈالرز کی قیمت مقرر کی ہے اور یہ سیاہ اور نیلے رنگ میں دستیاب ہو گا۔ اگر آپ اس فون میں دلچسپی رکھتے ہیں تو آپ اسے دوگی کے آفیشل اسٹور یا بینگ گوڈ سے حاصل کر سکتے ہیں، جس کے لنکس ذیل میں دیئے گئے ہیں۔

This slideshow requires JavaScript.