ونڈوز 10 کریئیٹرز اپ ڈیٹ: مائیکروسافٹ نے 11 اپریل کو رول آؤٹ شروع کرنے کا اعلان کر دیا۔

مائیکروسافٹ نے انکشاف کیا ہے کہ ونڈوز 10 کریئیٹرز اپ ڈیٹ جو ونڈوز انسائڈرز پروگرام کے ذریعے پچھلے کچھ مہینوں سے تیزی کے ساتھ ڈیولپمنٹ کے مراحل طے کر رہا تھا، 11 اپریل کو رول آؤٹ ہونا شروع ہو جائے گا۔

کریئیٹرز اپ ڈیٹ کا اصل میں نئی خصوصیات کی ایک وسیع رینج کے ساتھ اکتوبر میں اعلان کیا گیا تھا اگرچہ ان خصوصیات میں سے تمام کی تمام اس اپ ڈیٹ کا حصہ نہیں ہوں گی جب یہ اگلے ماہ جاری کیا جائے گا۔ کچھ خصوصیات کو مثتثنی قرار دیا جائے گا یا پھر ونڈوز 10 سے ہٹا دیا جائے گا۔

حتمی تعمیر کا ورژن 15063 ہو گا؛ اس تعمیر کی ISOs اس ہفتے کے شروع میں مائیکروسافٹ کے سرورز پر ظاہر ہوئی تھی، اور ونڈوز 10 اپ ڈیٹ اسسٹنٹ کا ایک نیا ورژن بھی صارفین کو اپنے سسٹمز جلدی اپ گریڈ کرنے کی اجازت دے گا۔ تاہم، مائیکروسافٹ نے اب ان دونوں طریقوں کے ذریعے انسٹالیشن تک رسائی کو مسدود کردیا ہے۔

مائیکروسافٹ نے پہلے کہا تھا کہا وہ سب سے پہلے پی سیز کے لئے اپ ڈیٹ جاری کریں گے اور اس کے بعد فون اور دوسرے آلات کے لئے دستیاب بنائیں گے۔

آپ ونڈوز 10 کریئیٹرز اپ ڈیٹ میں آنے والی نئی خصوصیات اور بہتریوں میں سے کچھ کے بارے میں یہاں سے معلومات حاصل کر سکتے ہیں۔

تبصرہ کریں

%d bloggers like this: